CheQએ શરૂ કર્યું CheQ UPI, RuPay ક્રેડિટ કાર્ડથી UPI ચુકવણી પર મળશે Rewards

ક્રેડિટ કાર્ડ મેનેજમેન્ટ પ્લેટફોર્મ CheQએ CheQ UPI સેવા શરૂ કરી છે. આ નવી સુવિધાથી વપરાશકર્તા સામાન્ય UPI QR Code સ્કેન કરીને પોતાના બેન્ક ખાતા અથવા જોડાયેલા RuPay ક્રેડિટ કાર્ડથી ચુકવણી કરી શકશે. CheQનો હેતુ ક્રેડિટ કાર્ડ મેનેજમેન્ટની સાથે રોજિંદી UPI ચુકવણીને પણ એક જ પ્લેટફોર્મ પર લાવવાનો છે.

RuPay ક્રેડિટ કાર્ડથી UPI ચુકવણી

CheQ UPIથી વપરાશકર્તા RuPay ક્રેડિટ કાર્ડને UPI સાથે જોડીને દુકાન, રેસ્ટોરન્ટ, ઓનલાઈન ખરીદી અને અન્ય વેપારીઓને ચુકવણી કરી શકે છે. કંપનીના દાવા મુજબ CheQ RuPay ક્રેડિટ કાર્ડથી કરેલી UPI ચુકવણી પર Rewards આપતું પ્લેટફોર્મ છે.

CheQ AU RuPay કાર્ડ પર કેટલા Rewards?

CheQ AU RuPay ક્રેડિટ કાર્ડ વપરાશકર્તાઓ માટે કંપનીએ અલગ Rewards માળખું જાહેર કર્યું છે. RuPay ક્રેડિટ કાર્ડથી UPI ચુકવણી પર 2.5% Rewards મળશે. CheQ Travel, Amazon, Flipkart, Zomato અને BigBasket પર કંપનીએ 12% સુધી Rewards આપવાની વાત કરી છે. આ ઉપરાંત 10,000થી વધુ પસંદગીના વેપારીઓ પાસે Travel, Dining, Online Shopping અને Grocery જેવી કેટેગરીમાં 5% Rewardsનો દાવો કરવામાં આવ્યો છે.

અન્ય RuPay ક્રેડિટ કાર્ડ વપરાશકર્તાઓ માટે શું?

અન્ય બેન્કોના RuPay ક્રેડિટ કાર્ડ ધરાવતા વપરાશકર્તાઓને CheQ UPIથી ચુકવણી પર 1.5% Rewards આપવાની જાહેરાત કરવામાં આવી છે. Rewards બેન્ક તરફથી મળતા હાલના લાભ ઉપરાંત રહેશે, એવું કંપનીએ જણાવ્યું છે.

Rewards ક્યાં વાપરી શકાશે?

• Utility Billsની ચુકવણી
• ક્રેડિટ કાર્ડ બિલની ચુકવણી
• Travel Booking
• Gift Cards

આ પણ વાંચો: Ola-Uberથી અલગ રસ્તો, ભારતમાં મુસાફરી માટે નવી ઓળખ બની ‘ભારત ટેક્સી’

CheQ માટે આ લોન્ચ કેમ મહત્વનું?

CheQ અત્યાર સુધી મુખ્યત્વે ક્રેડિટ કાર્ડ બિલ પેમેન્ટ, Rewards અને ક્રેડિટ મેનેજમેન્ટ જેવી સેવાઓ પર ધ્યાન આપતું હતું. CheQ UPI શરૂ કરીને કંપની હવે રોજિંદી ડિજિટલ ચુકવણીના ક્ષેત્રમાં પણ પ્રવેશી રહી છે. એટલે વપરાશકર્તા ક્રેડિટ કાર્ડ મેનેજમેન્ટ અને UPI ચુકવણી બંને એક જ એપમાં કરી શકે તેવું માળખું તૈયાર કરવામાં આવી રહ્યું છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16