વિદેશી પ્રવાસીઓની પસંદગીમાં ગુજરાત દેશભરમાં પ્રથમ

ગુજરાત તેની સમૃદ્ધ સાંસ્કૃતિક વિરાસત, ઐતિહાસિક સ્થળો, કુદરતી સૌંદર્ય અને વૈવિધ્યસભર પ્રવાસન સ્થળોના કારણે દેશ-વિદેશના પ્રવાસીઓને આકર્ષી રહ્યું છે. અમદાવાદ, વડોદરા અને સુરત જેવા શહેરો ઉપરાંત કચ્છનું રણ, ગીર નેશનલ પાર્ક અને નવરાત્રિ જેવા તહેવારો ગુજરાતના Tourism Sectorને નવી ઓળખ આપી રહ્યા છે. છેલ્લા કેટલાક વર્ષોમાં રાજ્યમાં પ્રવાસન ક્ષેત્રે નોંધપાત્ર વૃદ્ધિ નોંધાઈ છે.

વિદેશી પ્રવાસીઓમાં ગુજરાતનો હિસ્સો 10.86%

ગુજરાત રાજ્યનાં પ્રવાસન મંત્રાલયનાં 2025ના આંકડા મુજબ ગુજરાત વિદેશી પ્રવાસીઓના આગમનની દ્રષ્ટિએ દેશમાં પ્રથમ ક્રમે રહ્યું છે. દેશમાં આવતા કુલ વિદેશી પ્રવાસીઓમાં ગુજરાતનો હિસ્સો 10.86% રહ્યો છે. જોકે, દેશમાં અન્ય રાજ્યોનાં પ્રવાસીઓના આગમનની દ્રષ્ટિએ ગુજરાત 39મા ક્રમે રહ્યું છે. આ આંકડો રાજ્ય માટે Domestic Tourismમાં હજુ વધુ વૃદ્ધિની સંભાવના દર્શાવે છે.

ગુજરાત સરકારના પ્રવાસન ક્ષેત્રે સક્રિય અભિગમ વચ્ચે AATITHYAM પોર્ટલ મહત્વપૂર્ણ પહેલ તરીકે સામે આવ્યું છે. AATITHYAM (Aggregate of Accessible Tourist Information on Tourism & Hospitality of Yatra And their Memories) દ્વારા પ્રવાસન સંબંધિત માહિતી એક જ પ્લેટફોર્મ પર ઉપલબ્ધ કરાવવાનો પ્રયાસ કરવામાં આવ્યો છે.

ગુજરાત ટૂરિઝમ દ્વારા રજૂ કરવામાં આવેલા AATITHYAM (આતિથ્યમ) ડેશબોર્ડમાં દેશી અને વિદેશી પ્રવાસીઓનો રિયલ-ટાઇમ ડેટા ઉપલબ્ધ કરાવવામાં આવે છે. આ પ્રકારનું ડેશબોર્ડ દેશમાં પોતાની કેટેગરીમાં પ્રથમ હોવાનું જણાવવામાં આવ્યું છે. રિયલ-ટાઇમ ડેટાના આધારે પ્રવાસન ક્ષેત્ર માટે વધુ સારી યોજના બનાવવામાં મદદ મળી શકે છે. આ પહેલથી પ્રવાસન સાથે જોડાયેલા હોટેલ, રેસ્ટોરન્ટ, ટ્રાન્સપોર્ટ, ગાઇડ, હસ્તકલા અને અન્ય સર્વિસ સેક્ટરમાં રોજગારીની નવી તકો ઊભી થવાની શક્યતા છે. સાથે જ રાજ્યના Tourism Economyને પણ વેગ મળવાની અપેક્ષા છે.

ગુજરાતમાં વિદેશી પ્રવાસીઓની વધતી સંખ્યા માત્ર Tourism Sector પૂરતી મર્યાદિત નથી. તેનો સીધો લાભ હોટેલ, રેસ્ટોરન્ટ, એરલાઇન્સ, સ્થાનિક ટ્રાન્સપોર્ટ, ટૂર ઓપરેટર્સ, રિટેલ, હસ્તકલા અને મનોરંજન ક્ષેત્રને મળી શકે છે. તેથી ગુજરાતનું Tourism Sector આગામી સમયમાં રોજગારી અને સ્થાનિક અર્થતંત્ર માટે મહત્વનું Growth Engine બની શકે છે.

 

આ પણ વાંચો: Bali Tour: ફ્લાઇટથી લઈને સાઇટસીઇંગ સુધીની સુવિધા મળશે IRCTCનાં એક જ પેકેજમાં


અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16