H-1B વિઝા ફીમાં ધરખમ વધારાના એંધાણથી ભારતીય IT પ્રોફેશનલ્સ ચિંતામાં!

અમેરિકામાં કામ કરવા ઈચ્છતા વિદેશી પ્રોફેશનલ્સ માટે H-1B Visa વધુ મોંઘું બની શકે છે. US Department of Homeland Security (DHS) H-1B petitions પર નવી મોટી ફી લાગુ કરવાની તૈયારી કરી રહ્યું છે. અહેવાલ મુજબ સંભવિત ફી $100,000થી વધુ હોઈ શકે છે. જોકે નિયમની અંતિમ વિગતો હજુ સત્તાવાર રીતે જાહેર થઈ નથી અને પ્રસ્તાવ અમલમાં આવ્યો નથી.

ભારતીયો પર સૌથી વધુ અસર કેમ?

H-1B Visaનો સૌથી મોટો લાભાર્થી વર્ગ ભારતીયો છે. US Citizenship and Immigration Servicesના 2024ના આંકડા મુજબ કુલ 399,402 H-1B petitions મંજૂર કરવામાં આવી હતી, જેમાંથી લગભગ 71% લાભાર્થી ભારતીય મૂળના હતા. એટલે ફીમાં મોટો વધારો થાય તો ભારતીય IT અને અન્ય skilled professionals ઉપરાંત તેમને અમેરિકામાં નોકરી માટે sponsor કરતી કંપનીઓના ખર્ચમાં નોંધપાત્ર વધારો થઈ શકે છે.

OPT માટે પણ નવી ફીનો પ્રસ્તાવ

H-1B ઉપરાંત અમેરિકામાં અભ્યાસ કર્યા પછી કામ કરવાની તક આપતા F-1 Optional Practical Training (OPT) કાર્યક્રમ માટે પણ નવી ફી લાવવાની તૈયારી છે. આ પ્રકારનો વધારો ખાસ કરીને અમેરિકામાં અભ્યાસ પૂર્ણ કર્યા બાદ નોકરી તરફ આગળ વધતા આંતરરાષ્ટ્રીય વિદ્યાર્થીઓ માટે ખર્ચ વધારી શકે છે.

60 દિવસનો grace period પણ જોખમમાં

DHSએ બેરોજગાર થયેલા કેટલાક H-1B કર્મચારીઓને મળતો હાલનો 60 દિવસનો grace period દૂર કરવાનો પણ પ્રસ્તાવ મૂક્યો છે. હાલ નોકરી છૂટ્યા બાદ પાત્ર H-1B કર્મચારીને નવી નોકરી શોધવા અથવા પોતાનો immigration status બદલવા માટે મર્યાદિત સમય મળે છે. જો આ જોગવાઈ દૂર થાય તો નોકરી ગુમાવનાર કર્મચારીઓ અને તેમના આશ્રિતો પર તાત્કાલિક દબાણ વધી શકે છે.

હજુ અંતિમ નિયમ જાહેર થયો નથી

H-1B અને OPT સંબંધિત ફીના પ્રસ્તાવો regulatory reviewની પ્રક્રિયામાં છે. તેથી કેટલી ફી લાગશે, કયા પ્રકારની અરજીઓ પર લાગશે અને ક્યારથી અમલ થશે તેની સંપૂર્ણ સ્પષ્ટતા અંતિમ નિયમ જાહેર થયા બાદ જ થશે.

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16