₹1.91 લાખનો Foldable iPhone? Appleના 9 સપ્ટેમ્બર ઇવેન્ટ પર સૌની નજર

Appleએ 9 સપ્ટેમ્બર 2026 માટે પોતાનું ‘Surprise and Shine’ ઇવેન્ટ નક્કી કર્યું છે. આ ઇવેન્ટમાં iPhone 18 Pro સિરીઝ ઉપરાંત Appleનો પહેલો Foldable iPhone પણ રજૂ થવાની શક્યતા છે. અહેવાલો મુજબ Foldable મોડલને iPhone Ultra નામ આપવામાં આવી શકે છે. જોકે આ મોડલના નામ અને ફીચર્સ અંગે Apple તરફથી સત્તાવાર પુષ્ટિ થઈ નથી.

ઇવેન્ટ ક્યારે અને ક્યાં થશે?

Appleનું ઇવેન્ટ 9 સપ્ટેમ્બરે અમેરિકાના Cupertino સ્થિત Apple Parkના સ્ટિવ જોબ્સ થિયેટરમાં યોજાશે. ભારતીય સમય પ્રમાણે ઇવેન્ટ રાત્રે 10:30 વાગ્યે શરૂ થવાની છે. તેનું લાઇવ પ્રસારણ Appleની વેબસાઇટ, Apple TV App અને YouTube પર ઉપલબ્ધ રહેવાની શક્યતા છે.

પ્રથમ Foldable iPhone પર રહેશે સૌથી વધુ નજર

આ વખતે સૌથી મોટું આકર્ષણ Appleનો પહેલો Foldable iPhone બની શકે છે. અહેવાલો મુજબ આ ફોનમાં પુસ્તકની જેમ ખુલતી ડિઝાઇન હોઈ શકે છે. તેમાં આશરે 5.5 ઇંચની બહારની સ્ક્રીન અને લગભગ 7.8 ઇંચની અંદરની Foldable Screen મળી શકે છે. અંદરની સ્ક્રીનમાં Under-Display Camera અને બહારની સ્ક્રીનમાં Punch-Hole Camera આપવામાં આવી શકે છે. પાછળની બાજુએ Primary અને Ultra-Wide એમ બે કેમેરા મળવાની શક્યતા છે. Foldable iPhoneમાં Touch ID પણ પાછું આવી શકે છે.

કિંમત $2,000થી શરૂ થવાની ચર્ચા

અહેવાલો મુજબ Foldable iPhone Appleના હાલના iPhone મોડલ કરતાં વધુ મોંઘો હોઈ શકે છે અને તેની શરૂઆતની કિંમત આશરે $2,000 હોઈ શકે છે. એટલે કે ભારતીય રૂપિયા મુજબ ભાવ અંદાજે ₹1.91 લાખ હોય શકે છે. જોકે કિંમત અંગે કંપનીએ હજી સત્તાવાર જાહેરાત કરી નથી.

iPhone 18 Proમાં A20 Pro ચિપની શક્યતા

iPhone 18 Pro અને iPhone 18 Pro Max પણ આ ઇવેન્ટમાં રજૂ થવાની શક્યતા છે. બંને ફોનમાં નવી A20 Pro ચિપ, જે 2nm પ્રક્રિયા પર આધારિત હોઈ શકે છે, તેમજ Appleનું C2 Modem આપવામાં આવી શકે છે. કેમેરામાં પણ ફેરફારની શક્યતા છે. iPhone 18 Pro Maxમાં Variable Aperture Main Camera મળી શકે છે, જ્યારે Apple Under-Display Face ID ટેક્નોલોજી પર પણ કામ કરી રહ્યું હોવાનું અહેવાલોમાં કહેવાયું છે.

આ પણ વાંચો: બજારમાં પ્રારંભિક ઉછાળો ધોવાયો, નેગેટિવ ઝોનમાં ગયા સેન્સેક્સ અને નિફ્ટી

સામાન્ય iPhone 18 માટે રાહ જોવી પડી શકે

આ વખતે Apple iPhone 18 સિરીઝને બે તબક્કામાં રજૂ કરી શકે છે. અહેવાલો મુજબ iPhone 18 Pro મોડલ સપ્ટેમ્બરમાં આવી શકે છે, જ્યારે સામાન્ય iPhone 18, iPhone 18e અને iPhone Air 2 વર્ષ 2027ના પ્રથમ છ મહિનામાં રજૂ થઈ શકે છે.

Apple Watch અને AirPods પણ આવી શકે

ઇવેન્ટમાં Apple Watch Series 12 અને Apple Watch Ultra 4 પણ રજૂ થવાની શક્યતા છે. Apple Watch Series 12માં નવા Health Sensor અને Band Attachment Systemમાં ફેરફાર જોવા મળી શકે છે. નવી AirPods સિરીઝ અંગે પણ ચર્ચા છે. જોકે નવા AirPods Pro આ ઇવેન્ટમાં આવશે કે પછી 2027માં, તે અંગે હજી સ્પષ્ટતા નથી.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16